Dat Is Mien Verhoal
De woarhaid achterhollen as elkenaine laigt
n Klokke stil te zetten as n uur n dag omvlaigt
Traauw te wezen aan minsen dij aigenlieks nait bestoan
Mien verstaand stait stil en ik zeg niks op dij mementen benoam
Refr.:
Ik bin op zuik noar n bouk mit op de kaft mien noam
t Huift ja nait zo dik te wezen mor mouten wel ploaten in stoan
n Veurwoord liekt mie ook wel schier van aine woar k van hol
Dat is het bouk woar ik noar zuik, joa dat is mien verhoal
Van dit n en van dat n, dat is de zin van t leven
Guster is verleden tied, t is nemen en t is geven
t Klaaingeld in mien buutse is mie doezend gulden weerd
As mörn de oorlogen stoppen din heb ik weer wat leerd
Ik zeg sums oareg veul vind ik zulf mor k denk nog veul meer
Wat grode minsen mit grode woorden zeggen dat dut mie zeer
Woar wereldwied de regenboge fortuun perbaart te brengen
Zuik ik noar n pot mit gold om t geluk in te mengen
Meschain as k loater teruggekiek in flarden en in vloagen
Din moak ik mie nait zo drok meer k heb antwoord op mien vroagen
Ik ruir din in mien pot mit gold, as k dat nog kin
En ast verstaand nog goud is, din is dat wat ik bin
vídeo incorreto?